घण्टेश्वर अनलाईन
अस्टिन, टेक्सास
ग्रेटर अस्टिन नेपाली समाज अस्टिनले नेपाली नयाँ बर्ष २०८१ को सन्दर्भ पारेर शुभकामना आदान प्रदान कार्यक्रमको आयोजना गर्ने भएको छ । नेपाली नयाँ वर्ष २०८१ को अवसरमा यही अप्रिल १४ आईतबार दिउसो ३ बजे ग्यान्स भवनको सभाकक्षमा शुभकामना आदान प्रदान कार्यक्रम आयोजना गर्न लागिएको समाजका अध्यक्ष भोजराज भट्टले जानकारी दिनु भयो ।
अध्यक्ष भट्टका अनुसार ग्रेटर अस्टिन नेपाली समाज अस्टिनको आसन्न अधिबेशनको सन्दर्भमा अन्तरकृया गर्ने, नेपाली नयाँ बर्षको अवसरमा शुभकामना आदान प्रदान तथा चियापान गर्ने उद्देश्यले उक्त कार्यक्रम आयोजना गर्न लागिएको हो ।
हामी नेपालीहरु भौतिक रुपमा जहाँ भएपनि नेपाली नयाँ बर्षलाई उत्साहका साथ मनाउँछौं । प्रवासमा नयाँ बर्ष लगायत नेपाली चाडपर्बहरु सामुहिक रुपमा मनाउँदा भेटघाट, परिचय, दुःखसुखका कुरा साटासाट गर्ने अवसर पनि मिल्छ । त्यसैले ग्यान्सले नयाँ बर्ष लगायत नेपाली चाडपर्बहरुलाई महत्वका साथ सामुहिक रुपमा मनाउँदै आएको छ, अध्यक्ष भट्टले बताए ।
उक्त कार्यक्रममा ग्रेटर अस्टिन आसापासमा बसोवास गर्ने नेपाली दाजुभाई तथा दिदी बहिनीहरु, सामाजिक अभियन्ताहरुलाई सहभागिताको लागि ग्यान्सले अनुरोध गरेको छ ।