सुदूरपश्चिम प्रदेशबाट समानुपातिक तर्फका २५ जनाको नाम बन्द सूचीबाट हटाईयो

घण्टेश्वर अनलाईन
काठमाण्डौं
निर्बाचन आयोगले सुदूरपश्चिम प्रदेशबाट समानुपातिक तर्फ बन्द सूचीमा पेश भएका मध्ये २५ जनाको नाम हटाएको छ ।
निर्बाचन आयोगले मँगलबार एक प्रेस बिज्ञप्ती प्रकाशित गरि देशभरबाट कुल ५ सय ५० को नाम बन्दसूचीबाट हटाईएको जानकारी गराएको छ । आयोगबाट प्रकाशित सूची अनुसार सुदूरपश्चिम प्रदेशबाट २५ जनाको नाम बन्द सूचीबाट हटेको    छ ।
बन्दसूचीबाट नाम हटेका सबै जना सुदूरपश्चिम प्रदेश सभा सदस्यका लागि बन्दसूचीमा नाम समाबेश भएका उम्मेदवारहरु हुन । बन्द सूचीबाट नाम हटेका मध्य कानून बमोजिम उमेर नपुगेको, स्थानीय तहको निर्बाचनमा सहभागि भई कानूनले तोकेको समयमा निर्बाचन खर्च विवरण नबुझाई आयोगबाट जरिवाना तोकिएका, मतदाता नामावलीमा नाम नभएका र सम्बन्धित प्रदेशको मतदाता नभएका ब्यक्तिहरु रहेको आयोगले जनाएको छ ।