घण्टेश्वर अनलाईन
अर्भिङ, टेक्सास
टेक्सासको अर्भिङमा मेलिना राई लाईभ ईन ड्यालस कार्यक्रम हुने भएको छ ।
अर्भिङ स्थित करि लिफ रेष्टुरेन्ट र युनाईटेड किराँत राई अर्गनाईजेशन अमेरिकाको आयोजनामा अगष्ट महिनाको २५ तारेखमा करि लिफ रेष्टुरेन्ट अर्भिङको सभाकक्षमा हुन लागेको हो ।
नेपालका चर्चित कलाकार मेलिना राईको बिशेष प्रस्तुती रहने उक्त कार्यक्रममा सहभागिहरुका लागि प्रबेश शुल्क २० डलर तोकिएको छ । अगष्ट २५ बेलुकी ९ बजे शुरु हुने कार्यक्रममा डिजे घले लगायत ड्यालस फोर्टवर्थ क्षेत्रमा रहेका अन्य स्थानीय कलाकारहरुले पनि आ आफ्नो गीत सङ्गीत प्रस्तुत गर्ने कार्यक्रम रहेको आयोजकले जनाएका छन ।
मेलिना राई एक नेपाली पप तथा आधुनिक गायिका हुन । मेलिना राई पछिल्लो समयमा नेपाली गीत सङ्गीत क्षेत्रमा एकदमै लोकप्रिय अनि चर्चित नाम हो । उनीद्वारा गाइएका ‘पिरेम नलाउनी‘’, ‘बैंसै बेइमानी‘’, ‘नाच फिरिरि‘’ कुटु मा कुटु, लगायत थुप्रै नेपाली गीतहरू लोकप्रिय रहेका छन् ।
१० वर्षको उमेरदेखि नै बुवासँग संगीत सिकेकी राईले एक दशक नेपाली सङ्गीतमा समर्पित गरेकी छिन् । उनको पहिलो गीत १२ वर्षको उमेरमा रेकर्ड भएको थियो ।
