सागर अर्याल
ड्यालस, टेक्सास
यस बर्षको बिजया दशमीको अवसरपारी टेक्सासको युलेशमा पाँचौं राज्य स्तरीय दशैं कप भलिबल प्रतियोगिता आयोजना हुने भएको छ ।
नेपाली समाज टेक्सासको सहयोगमा नेपस्टार डिएफÞडब्लुद्वारा यही अक्टोबर ७ र ८ तारेखमा बृहत बनभोज कार्यक्रम सहित पाँचौं राज्य स्तरीय दशैंकप भलिवल प्रतियोगिता हुन लागेको हो ।
नेपस्टार डिएफÞडब्लुका अध्यक्ष भुवनसिंह आलेका अनुसार भलिवल प्रतियोगिता अक्टोवर ७ तारेख शनिबारका दिन बिहान ७ बजेदेखि सन्चालन हुने छ । अक्टुबर ८ तारेख आईतबारका दिन बिहान ११ देखि बेलुकी ५ बजे सम्म पुरस्कार वितरण, विविध साँस्कृतिक कार्यक्रम सहित निःशुल्क बनभोज कार्यक्रम आयोजना हुने छन ।
उक्त प्रतियोगितामा रुकुम अस्टिन, भिक्टोरिया अर्भिंग, गुर्खा (ए) अस्टिन र गुर्खा (बी) अस्टिन, माउण्ट एभरेस्ट भलिबल क्लब फोर्टवर्थ, टीम कैलास, नेपस्टार (रेड, व्हाइट, ब्लु) युलेस गरि ९ वटा टीमको सहभागिता हुने सो सँस्थाले जनाएको छ ।
प्रतियोगितामा बिजेता टीमले १ हजार ५ सय डलर र दोश्रो हुनेले ८ सय डलर मेडल र प्रमाण पत्र प्रदान गरिने अध्यक्ष आलेले बताउनु भयो ।
उक्त प्रतियोगितामा मुख्य पुरस्कार प्रायोजकमा रियल्टर सूर्य थापा र लोन अफिसर अनिल पुडासैनी रहनु भएको छ । प्रवासमा रहेका नेपालीहरुका बीचमा आत्मियता र भाईचाराको सम्बन्ध निर्माण गर्न नेपस्टार डिएफडब्लुले स्थापनाकाल देखि बिभिन्न कार्यक्रम आयोजना गर्दै आएको छ ।
