घण्टेश्वर अनलाईन
टेक्सास, अमेरिका
गैरआवासीय नेपाली संघ (एनआरएनए) अन्तराष्ट्रिय समन्वय परिषदको आसन्न निर्बाचनमा टेक्सासका व्यवसायी तथा सामाजिक अभियन्ता राम सी. पोखरेलले सचिव पदका लागि उम्मेदवारी दिने भएका छन ।
सामाजिक सन्जाल तथा बिभिन्न मिडिया मार्फत औपचारिक रुपमा उम्मेदवारी घोषणा गर्दै पोखरेलले आफु गैरआवासीय नेपाली संघ (एनआरएनए) अन्तराष्ट्रिय समन्वय परिषदको सचिब पदमा उम्मेदवारी दिन लागेको जानकारी गराएका छन ।
एनआरएनए÷आईसीसीको अमेरिका क्षेत्रको क्षेत्रीय सँयोजक समेत रहेका पोखरेलले पारदर्शी, सवल र सक्षम सचिवालय, श्रमको सम्मान र श्रमिकको सुरक्षा, ज्ञान सीपको प्रयोग र प्रबद्र्धन, दोहोरो नागरिकता र लगानीमैत्री वातावरणलाई प्रमुख एजेण्डाको रुपमा अघि सारेका छन ।
पोखरेलले लामो समय देखि एनआरएनए अभियानमा निरन्तर लागिरहेको र एनआरएनएलाई हाम्रो र राम्रो बनाउनका लागि आफुलाई मतदान गरि बिजयी बनाउन मतदाताहरुलाई अपिल समेत गरेका छन ।
को हुन राम सी. पोखरेल ः?
नेपालको अर्घाखाँची जिल्लाका राम सी.पोखरेल २६ बर्ष अघि अमेरिका आएका हुन । टेक्सास निवासी पोखरेल सफल व्यवसायी तथा सामाजिक अभियन्ता पनि हुन । पोखरेलले ग्याँस स्टेशन, रियल स्टेट, तथा कानुनी परामर्श लगायतका क्षेत्रमा ब्यवसाय सन्चालन गरिरहेका छन । पोखरेल सामाजिक क्षेत्रमा पनि लामो समय देखि सकृय रहेका छन । नेपाल बाहिर खुलेका नेपालीहरूको पहिलो लायन्स डल्लास एभरेष्ट डालस लायन्स क्लबका संस्थापक तथा पूर्व अध्यक्ष तथा नेपाली समाज टेक्ससको पूर्ब अध्यक्ष समेत हुन ।
सन २००८ देखि एनआरएनए अभियानमा लागेका पोखरेल २०१५–१७ कार्यकालमा उनी एनसीसी अमेरिकाको उपाध्यक्ष थिए भने सन ०१७–१९ कार्यकालका लागि अध्यक्ष पदका प्रत्यासी थिए । त्यसपछि सन २०१९–२१ कार्यकालमा उनी आईसीसी अमेरिका क्षेत्रीय उपसंयोजक तथा बर्तमान आईसीसीमा अमेरिका क्षेत्रको क्षेत्रीय सँयोजकमा काम गरेको अनुभव पोखरेल सँग रहेको छ । गैरआवासीय नेपाली सँघ आईसीसीको ११ औं महाधिबेशनमा नयाँ नेतृत्वको लागि प्रत्यक्ष र अनलाइनमार्फत निर्बाचन हुँदैछ ।