घण्टेश्वर अनलाईन
ड्यालस, टेक्सास
अमेरिका मधेशी समाज अमेरिकाको चौथो साधारण सभा नयाँ नेतृत्व चयन गर्दै हालै टेक्सासको ड्यालसमा सम्पन्न भएको छ । साधारण सभाले राष्ट्रिय कमिटी र टेक्सास राज्य कमिटीको लागि छुट्टा छुट्टै नेतृत्व चयन गरेको समाजले जनाएको छ ।
अमेरिका मधेशी समाजले दिएको जानकारी अनुसार चौथो साधारण सभाबाट राष्ट्रिय कमिटीको लागि नितय साहको अध्यक्षतामा नयाँ राष्ट्रिय कमिटी चयन गरेको छ । उक्त कमिटीको बरिष्ठ उपाध्यक्षमा मुकेश यादव, उपाध्यक्षहरुमा क्रमस दिनेश यादव र सुरेन्द्र राम, महिला उपाध्यक्ष चन्द्रिका भगत, महासचिब बिकास गुप्ता, सहसचिब मधुसुधन चौधरी र कोषाध्यक्षमा अजय साह रहेका छन ।
चौथो साधारण सभाले प्रबक्तामा सन्जय यदुबंशी, मिडिया तथा आईटी सँयोजकमा नविन ठाकुर र महिला सँयोजक किरन अधिकारीलाई चयन गरेको छ । यसैगरि सदस्यहरुमा क्रमस ः दिलबहादुर राउत, प्रमोदकुमार यादब, भुपाल साह, कृष्ण कुस्वाहा, रमेश ठाकुर, श्यामकिशोर यादव, डा. विपिन यादव, सविता साह र सुजिता चौधरी निर्बाचित भएको सो सास्थाले जनाएको छ ।
अमेरिका मधेशी समाज अमेरिकाको चौथो साधारण सभाबाट टेक्सास राज्य कमिटीको लागि रामबाबु गुप्ताको अध्यक्षतामा नयाँ कमिटी चयन गरेको छ ।
सो राज्य कमिटीको बरिष्ठ उपाध्यक्षमा सुरेन्द्र चौहान, उपाध्यक्षमा गोविन्द कानु, महिला उपाध्यक्षमा मणि कर्ण, महासचिबमा विपिन यादव र कोषध्यक्षमा अजय राम, मिडिया/आईटी संयोजकमा पारस केसी, विद्यार्थी तथा युवा संयोजकमा बब्लु यादव रहनु भएको छ ।
यसै गरि टेक्सास राज्य कमिटीको कार्यकारी सदस्यहरुमा क्रमस ः आकाश गुप्ता, अजय साह, अंकेश यादव, अम्बिका यादव, भुनेश्वर साह, पमी यादव, सुनिल यादव, सञ्जय यादव, सञ्जय चौधरी, सन्दिप पटेल चयन भएको समाजले जनाएको छ । उक्त साधारण सभाको उद्घाटन कार्यक्रममा बिभिन्न साँस्कृतिक कार्यक्रम प्रस्तुत गरिनुका साथै ड्यालस फोर्टवर्थका नेपाली समुदायका अगुवाहरुले शुभकामना मन्तब्य व्यक्त गरेका थिए ।
