घण्टेश्वर अनलाईन
ड्यालस, टेक्सास
अमेरिकाको टेक्सासमा रहेका सुदूरपश्चिमेलीहरुको साझा सँस्था सुदूरपश्चिम नेपाली समाज टेक्सासको साधारण सभा यही जनवरी महिनाको २८ तारेखमा आयोजना हुने भएको छ । साधारण सभाको लागि आबश्यक तयारी थालिएको सँस्थाका अध्यक्ष नवराज नाथ योगीले जानकारी दिनु भयो ।
अध्यक्ष नाथका अनुसार साधारण सभा पूर्ब जनवरी २० सम्म सँस्थाको साधारण सदस्यता नविकरण तथा नयाँ साधारण तथा आजिवन सदस्यता लिन सकिने छ । सँस्थाको आधिकारिक वेवसाईट https://farwesternsociety.org गएर सदस्यता नबिकरण तथा नयाँ सदस्यता लिन सकिने सँस्थाले जनाएको छ । यो साधारण सभाबाट आगामी २ बर्षको लागि सँस्थाको नयाँ नेतृत्व चयन गरिने बताईएको छ । सँस्थाका अनुसार तोकिएको समयमा सदस्यता लिएका नयाँ तथा पुराना सबै सदस्यले नेतृत्व चयनमा सहभागि हुन पाउने छन ।
साधारण सभा नेपाली साँस्कृतिक तथा अध्यात्मिक केन्द्र(पशुपति नाथ तथा बौद्ध मन्दिर) युलेशको सभाकक्षमा दिउसो १ बजे देखि ५ बजे सम्म सन्चालन हुने सुदूरपश्चिम नेपाली समाज टेक्सासले जनाएको छ ।