सरस्वती शर्मा (सरु)
कोलोराडो, अमेरिका
गैर आवासीय नेपाली संघ राष्ट्रिय समन्वय परिषद अमेरिकाले यस बर्षको ११४ औं अन्तर्राष्ट्रिय नारी दिवस बिभिन्न कार्यक्रमका साथ मनाउने मनाउने भएको छ ।
हरेक बर्ष मार्च ८ का दिन मनाईने ११४ औं अन्तर्राष्ट्रिय नारी दिवस यस बर्ष कोलोराडो च्याप्टरको समन्वयमा मनाउन लागिएको एनआरएनए एनसिसि युएसएका महिला संयोजक सुनिता खत्रीले जानकारी दिनु भयो । कार्यक्रम मार्च ९ का दिन कोलोराडो स्थित नेपाली घरमा बिभिन्न कार्यक्रमका साथ मनाउने गरि तयारी भईरहेको छ ।
“महिलामा लगानी गरौ, प्रगतिलाई गति दिऔ “भन्ने मुल नाराका मनाउन लागिएको उक्त कार्यक्रम राष्ट्रिय स्तरको हो । कार्यक्रमको लागि एनआरएनए एनसिसि युएसए तथा कोलोराडो च्याप्टरको तर्फबाट तयारी शुरु गरिएको छ । कार्यक्रममा गैरआवासीय नेपाली सँघ अमेरिकाका पदाधिकारीहरु, अगुवा महिलाहरु त्था बिभिन्न बिज्ञहरुको सहभागिता रहने कोलोराडो च्याप्टरका अध्यक्ष प्रकाश पौडेलले बताउनु भयो । महिलाहरूको सामाजिक, आर्थिक, साँस्कृतिक र राजनितिक उपलब्धीहरुलाई संस्थागत गर्ने उद्देश्यले नितन्तर रुपमा हरेक बर्ष नारी दिवस मनाउने गरिन्छ ।