“नेजा” स्थापना दिवसको अवसरमा तेत्तिस रक्तदाताद्वारा रक्तदान

घण्टेश्वर अनलाईन
युलेश, टेक्सास
नेपाल अमेरिका पत्रकार संघ (नेजा) को स्थापना दिवसको अवसरमा शनिबार आयोजना गरिएको रक्तदान कार्यक्रममा ३३ जना रक्तदाताले रक्तदान गरेका छन । उक्त रक्तदान कार्यक्रम (ब्लड ड्राईभ) मा ३९ जना रक्तदाताले नाम दर्ता गराउनु भएकोमा रक्तदानको लागि योग्य ३३ जना रक्तदाताले मात्रै रक्तदान गरेका थिए । टेक्ससको युलेस स्थित नेपाली सांस्कृतिक तथा आध्यात्मिक केन्द्र परिसरमा आयोजना गरिएको रक्तदान कार्यक्रम ब्लड डोनर्स अफ अमेरिकासँगको सहकार्य र कार्टर ब्लड केयर सेन्टरको प्राविधिक व्यवस्थापनमा आयोजना गरिएको थियो ।
रक्तदान कार्यक्रमको अवसरमा नेपाली सांस्कृतिक तथा आध्यात्मिक केन्द्र बोर्ड अफ ट्रष्टी अध्यक्ष रमेश पोखरेल, ब्लड डोनर्स अफ अमेरिका टेक्ससका अध्यक्ष अजय बगालेले नेजालाई शुभ कामना दिनु भएको थियो । यसै गरि उक्त कार्यक्रममा नेपाल अमेरिका पत्रकार संघ (नेजा) का अध्यक्ष सुरज भण्डारीले रक्तदान कार्यक्रममा सहभागि तथा सहयोग गर्ने बिभिन्न व्यक्ति तथा सँस्थाहरुलाई धन्यवाद दिनु भएको थियो ।
नेजाको स्थापना दिवसको अवसरमा आईतबार विहान युलेशमा पत्रकारहरुका बीचमा चियापान कार्यक्रम तथा जूम अनलाईन मार्फत शुभकामना आदान प्रदान तथा अन्तरकृया कार्यक्रम, सोमबार बिहान र टेक्ससको अर्भिङमा रहेको जेफरसन पार्कमा वृक्षरोपण कार्यक्रम गरिने नेजाले जनाएको छ ।

     

Leave A Reply

Your email address will not be published.