नेजाको साधारण सभामा सहभागी हुनेले अग्रिम नाम दर्ता गराउनु पर्ने

घण्टेश्वर अनलाईन
बोस्टन, अमेरिका
नेपाल अमेरिका पत्रकार संघ (नेजा) ले १७ औं साधारण सभामा सहभागी हुने आफ्ना सदस्यहरुलाई अग्रिम नाम दर्ता गराउन आग्रह गरेको छ ।
यही मे २५ र २६, २०२४ (शनिबार र आइतबार) मा बोस्टनमा आयोजना हुने साधारण सभामा सहभागी सदस्यहरुले मे १७ तारिख शुक्रबार रातको १२ बजे (अमेरिकाको पूर्वीय समय अनुसार) सम्म नाम दर्ता सक्नुपर्ने नेजाले जनाएको छ । साधारण सभाको व्यवस्थापनको लागि नाम दर्ता अनिबार्य गरिएको मूल आयोजक समितिका संयोजक सुपेन्द्र बस्नेतले बताए ।
संयोजक बस्नेतका अनुसार साधारण सभाको अवसर पारेर नेजाका सदस्यहरु सपरिवार बोस्टन आउन सक्ने छन । बोस्टन अमेरिकाको ऐतिहासिक तथा पर्यटकीय शहर हो । साधारण सभाको अवसर पारेर नेजा सदस्यहरु सपरिवार बोस्टनका ऐतिहासिक तथा पर्यटकीय स्थलहरु भ्रमण गर्ने सदस्यहरुलाई नेजाले होटल व्यवस्थापनमा सहयोग गर्ने छ । हामीले साधारण सभामा सहभागी हुन चुले निम्तो नै पठाएका छौं, बस्नेतले बताए ।
साधारण सभामा सहभागी हुने नेजा सदस्यहरुले प्रति ब्यक्ति १ सय पचास डलर र परिवार सहितका लागि २ सय डलर दर्ता शुल्क तिर्नु पर्ने मूल तयारी समितिले जनाएको छ । त्यसका लागि सबै सदस्यहरुलाई बिद्युतीय फाराम पठाईएको समेत नेजाले जानकारी गराएको छ ।
तर, साधारण सभामा सहभागी हुने परिवारका सदस्यहरुले साधारण सभामा सहभागिता जनाए तापनि, संस्थाको आधिकारिक निर्णय प्रक्रियाहरुमा भाग लिएर मत तथा अभिमत दिन नपाउने समेत नेजाले स्पष्ट पारेको छ । नेजाको साधारण सभा 594 Washington Street, Braintree, MA– 02184 स्थित प्रवासी नेपालीहरुको संस्था ‘पशुपतिनाथ बुद्ध फाउण्डेशन अफ न्यू इङल्याण्ड (प्याब्फोन–PABFONE) को सामुदायिक भवनमा हुने गरी आवश्यक तयारी गरिएको छ ।

नेजाका अनुसार साधारण सभामा सहभागी हुने नेजा सदस्यहरुले निम्न लिंकमा गएर नाम दर्ता गराउन सक्ने छन ।

NEAJA USA – Nepal America Journalists Association (NEAJA)

Leave A Reply

Your email address will not be published.