मगर सँस्कृति पुस्तान्तरण गर्न सामुहिक बनभोज कार्यक्रम

घण्टेश्वर अनलाईन
अर्भिङ, टेक्सास
प्रवासमा मगर संस्कृतिलाई पुस्तान्तरण गर्न टेक्सासमा बसोबास गर्ने मगर समुदायले आईतबार ड्यालसकोे ग्रेपभाईन लेकमा सामुहिक बनभोज कार्यक्रमको आयोजना गरेका छन । मगर संघ टेक्सास च्याप्टरको आयोजनामा भएको बनभोज (समर पिकनिक) कार्यक्रममा टेक्सास राज्यका बिभिन्न स्थानमा बसोबास गर्ने करिब ३ सय मगर समुदायको सहभागिता रहेको थियो ।
प्रवासमा रहेका मगरहरु एकै स्थानमा भेटघाट गर्न सहज छैन । टेक्सासका बिभिन्न स्थानमा बसोबास गर्ने मगरहरु एकै स्थानमा जम्मा भएर भेटघाट गर्ने, दुःखसुखका कुरा साटासाट गर्न बनभोज कार्यक्रमको आयोजना गरिएको हो । मगर सँस्कृतिको प्रस्तुती मार्फत अमेरिकामा जन्मेका र हुर्केका मगर बालबालिकाहरुलाई मगर सँस्कृति हस्तान्तरण गर्ने अर्को उद्देश्य हो, मगर संघ टेक्सास च्याप्टरका अध्यक्ष भिम थापाले बताए ।
बनभोज कार्यक्रममा टेक्सासका बिभिन्न स्थानमा बसोवास गर्ने मगर समुदाय मौलिक मगर पोशाकमा सजिएर सहभागि भएका थिए । कार्यक्रममा कलाकार मुना थापामगर, भिम चापागाई लगायतका कलाकारहरुले बिभिन्न प्रस्तुती मार्फत मनोरन्जन दिएका थिए । यसैगरि कार्यक्रमका मगर समुदायको कौरा नृत्य, पन्चे बाजा समुहको पनि प्रस्तुती रहेको मगर संघ टेक्सासले जनाएको छ ।
मगर संस्कृतिको संरक्षण सम्बद्र्धन र पुस्तान्तरण गर्न मगर संघ टेक्सास च्याप्टरले सामुहिक बनभोज तथा मगरहरुका प्रमुख सांस्कृतिक चाडपर्बहरु आयोजान गर्दै आएको मगर संघ टेक्सासका अध्यक्ष थापाले बताए ।

 

Leave A Reply

Your email address will not be published.