घण्टेश्वर अनलाईन
फोर्टवर्थ, टेक्सास
गैर आवासीय नेपाली संघ (एनआरएनए) कतारका अध्यक्ष रमेश भट्ट अहिले अमेरिका भ्रमणमा रहेका छन । अमेरिका भ्रमणमा रहेका अध्यक्ष भट्टले आईतबार एनआरएनए अमेरिका तथा टेक्सास च्याप्टरका पदाधिकारी सदस्यहरुसँग भेटघाट तथा अनुभव आदान प्रदान गरेका छन ।
गैरआवासीय नेपाली संघ टेक्सास च्याप्टरको आयोजनामा फोर्टवर्थको मन्त्र रेष्टुरेन्टमा आयोजना गरिएको अन्तरक्रिया कार्यक्रममा एनआरएनए अमेरिका र कतारले गरिरहेका कामहरु, अवसर र चुनौतीका बारेमा छलफल गरिएको थियो ।
कार्यक्रममा बोल्दै अध्यक्ष भट्टले आईसिसिमा देखिएको बिबाद र अदालतको आदेशका कारण केही अन्यौलता देखिएपनि नेपाली समुदायको प्रतिनिधिमूलक संस्था भएका कारण आफ्ना नियमित कामहरु जारी राख्नु पर्ने धारणा व्यक्त गर्नु भएको थियो ।
एनआरएन टेक्सास च्याप्टरका अध्यक्ष दीपेन्द्र गुरागाईंको अध्यक्षता तथा सचिब निश्चल चापागाईको सन्चालनमा सम्पन्न उक्त अन्तरक्रिया कार्यक्रममा गैर आवासीय नेपाली संघ (एनआरएनए) अमेरिकाका उपाध्यक्ष नेत्र पाण्डे, भानु खरेल, कोषाध्यक्ष सरोज सिग्दले, एनआरएनए आईसीसी अमेरिकाका क्षेत्रीय संयोजक बेद बस्नेत, एनआरएन टेक्सास च्याप्टरका पदाधिकारी सदस्यहरु, सल्लाहकारहरु, नेपाल अमेरिका पत्रकार संघका अध्यक्ष सुरज भण्डारीलगायतको सहभागिता रहेको थियो ।