घण्टेश्वर अनलाईन
ड्यालस, टेक्सास
अमेरिकाको न्यूयोर्क र टेक्सासमा आयोजना गरिएको छुट्टा छुट्टै रक्तदान कार्यक्रममा ८९ पिन्ट रगत संकलन गरिएको छ । प्रवासी नेपाली एकता मन्च अमेरिकाले अगस्ट २४ मा न्यूयोर्कमा आयोजना गरेको रक्तदान कार्यक्रममा ४३ जना र अगस्ट २५ मा टेक्सासको युलेशमा आयोजना गरेको रक्तदान कार्यक्रममा ४६ जनाले रक्तदान गरेको अध्यक्ष शंकर पन्तले बताउनु भयो ।
मन्चले न्यूयोर्कमा न्यूयोर्क ब्लड सेन्टर अमेरिका लगायतका स्थानीय सँस्थाहरुसंगको सहकार्यमा रक्तदान गरेको जनाएको छ । ब्लड डोनर्स अफ अमेरिका टेक्सास च्याप्टरसंगको सहकार्यमा युलेशमा आयोजना गरिएको रक्तदान कार्यक्रममा ६० जनाले रक्तदान कार्यक्रमको लागि नाम दर्ता गराएपनि ४६ जना मात्र योग्य भएको मन्चले जनाएको छ । उक्त अवसरमा रक्तदान कार्यक्रम सफल बनाउन सहयोग गर्ने बिभिन्न ब्यक्तिहरुलाई कदर पत्र प्रदान गरिएको थियो ।
प्रवासी नेपाली एकता मन्च अमेरिकाले सन २०२० देखि हरेक बर्ष रक्तदान कार्यक्रमको आयोजना गर्दै आएको छ ।
