घण्टेश्वर अनलाईन
टेक्सास, अमेरिका
गैरआवासीय नेपाली सँघ, राष्ट्रिय समन्वय परिषद अमेरिकाको आसन्न निर्बाचनको सन्दर्भमा मेरिल्याण्डको बाल्टिमोरमा प्रेसिडेन्सियल बहस कार्यक्रम आयोजना हुने भएको छ ।
नेपाल अमेरिका पत्रकार संघ (नेजा) ले गैरआवासीय नेपाली संघ, राष्ट्रिय समन्वय परिषद्, अमेरिकासँगको सहकार्यमा यही जूलाई १६ आईतबारको दिन प्रेसिडेन्सियल बहस कार्यक्रम आयोजना गर्न लागेको हो । गैरआवासीय नेपाली संघ, राष्ट्रिय समन्वय परिषदको अध्यक्ष पदमा प्रत्यासी डा. अर्जुन बन्जाडे र डिलुराम पराजुली सँगको बहस कार्यक्रममा करिब ३ सय जनाको सहभागिता हुने नेजाका अध्यक्ष सुरज भण्डारीले जानकारी दिनु भयो ।
गैरआवासीय नेपाली संघ, राष्ट्रिय समन्वय परिषद् अमेरिकाको निर्वाचन समितिले उम्मेद्वारहरूको अन्तिम नामावली सार्वजनिक गरेपछि उक्त कार्यक्रम मेरिल्याण्डको बाल्टिमोरमा आयोजना गर्न लागिएको नेजाले जनाएको छ ।
गैरआवासीय नेपाली संघ, राष्ट्रिय समन्वय परिषदको निर्बाचनका सन्दर्भमा बिगत केही बर्ष यता नेपाल अमेरिका पत्रकार सँघ (नेजा) ले नेतृत्वका प्रत्यासीहरुलाई एकै थलोमा उभ्याएर बहस कार्यक्रम आयोजना गर्दै आएको छ । कार्यक्रममा सहभागि गैरआवासीय नेपाली, सामाजिक अभियन्ताहरु, पत्रकारहरुले नेतृत्वका आकाँक्षीहरुलाई तपाईहरुलाई अध्यक्ष पदमा किन भोट दिने ? तपाई अध्यक्ष पदमा निर्बाचित भई सकेपछि गैरअवासीय नेपाली सँघमा राष्ट्रिय समन्वय परिषदमा के परिबर्तन गर्नु हुन्छ ? गैरआवासीय नेपालीहरुका लागि तपाईका प्रतिबद्धताहरु केके छन ? जस्ता प्रश्नहरु सोध्ने गर्दछन ।
उक्त बहस कार्यक्रम बाल्टिमोरमा रहेको होलिडे इन एक्सप्रेस (Holiday Inn Express Towson#1100 Cromwell Bridge Rd, Towson, MD 21286) मा जुलाई १६, आइतबार अपराह्न २ देखि ५ बजेसम्म सञ्चालन हुने समेत नेजाले जनाएको छ ।
बहस कार्यक्रममा सहभागी हुन आउने सहभागिहरुले बस्नको लागि बहस कार्यक्रम हुने होटलमा सम्पर्क गरी सहुलियत दरमा कोठा बुक गर्न सक्ने नेपाल अमेरिका पत्रकार सँघका महासचिव बाबुराम दाहालले जानकारी दिनुभयो ।
गैरआवासीय नेपाली सँघ, राष्ट्रिय समन्वय परिषद अमेरिकाको नयाँ नेतृत्वको लागि यही जूलाई २२ र २३ गते निर्बाचन हुँदै छ ।