घण्टेश्वर अनलाईन
ड्यालस, टेक्सास
गैर आवासीय नेपाली सँघ, राष्ट्रिय समन्वय परिषद अमेरिका अन्तरगत टेक्सस च्याप्टरका नयाँ निर्बाचित पदाधिकारीहरुको पद तथा गोपनियताको सपथ कार्यक्रम अगष्ट १३ तारेखमा हुने भएको छ । सोही कार्यक्रममा पद हस्तान्तरण पनि गरिने टेक्सास च्याप्टरले जनाएको छ ।
उक्त कार्यक्रममा टेक्सस च्याप्टरको (२०२१–२०२३ ) को पुरानो कार्य समिती बिदाई तथा नयाँ निर्बाचित कार्य समिति (२०२३–२०२५) को स्वागत गर्ने कार्यक्रम रहेको नव निर्बाचित सचिब निश्चल चापागाईले जानकारी दिनु भयो ।
सचिब निश्चल चापागाईका अनुसार एनआरएनए अमेरिका टेक्सास च्याप्टरको पहिलो अनौपचारिक बैठकले च्याप्टरमा मनोनित गर्नुपर्ने सल्लाहकार, टास्क फोर्स र क्षेत्रगत हिसाबमा मनोनयन गर्नुपर्ने महिला सँंयोजकको पदलाईपनि पद हस्तान्तरण पश्चातको पहिलो बैठकबाट गर्ने निर्णय गरिएको छ ।
सो कार्यक्रम युलेश स्थित गोर्खा बार एण्ड ग्रिल, 1060 N Main Street Euless, टेक्सासमा बेलुकी ५ः०० बजे आयोजना हुने टेक्सास च्याप्टरले जनाएको छ ।
