घण्टेश्वर अनलाईन
टेक्सास, अमेरिका
नेपाली नयाँ बर्ष २०७९ को अवसरमा टेक्सासमा बनभोज कार्यक्रम तथा शुभकामना आदानप्रदान कार्यक्रम आयोजना गरिने भएको छ ।
नेपाली समाज टेक्सासले नेपाली बर्ष २०७९ को अवसरमा आगामी बैशाख ३ गते ( अप्रिल १६ ) गते शुभकामना कार्यक्रम तथान बनभोज कार्यक्रम आयोजना गर्न लागेको समाजका अध्यक्ष राजेन्द्र वाग्लेले जानकारी दिनु भयो ।
हरेक बर्ष नयाँ बर्षलाई बिभिन्न कार्यक्रमको आयोजना गरि स्वागत गर्ने नेपाली परम्परा रहेको छ । टेक्सासका बिभिन्न स्थानमा रहेका नेपालीहरु एकै स्थानमा जम्मा भई शुभकामना आदान प्रदान गर्ने, भातृत्वको भावना बिकास गर्ने उद्देश्यले बनभोज कार्यक्रम आयोजना गरिएको नेपाली समाज टेक्सासले जनाएको छ । समाजले टेक्सासमा रहेका सबै नेपाली समुदायलाई कार्यक्रममा सहभागिताको लागि आमन्त्रण गरेको छ । बनभोज कार्यक्रम LOYD PARK 3401 Ragland Road Grandprairie मा दिउसो १२ बजे देखि बेलुकी ६ बजे सम्म सन्चालन हुने बताईएको छ । नेपाली चाड पर्बको दिनमा सार्बजनिक बिदा नहुने भएकाले टेक्सासमा रहेका नेपालीहरुले चाडपर्बको केही दिन अघि वा पछि शनीबार तथा आईतबार पारेर चाडपर्ब मनाउने गरेका छन ।
नेपाली समाज टेक्सासले नेपाली चाड पर्बहरुलाई बिशेष महत्वका साथ बिभिन्न रचनात्मक कार्यक्रमको आयोजना गरि मनाउदै आएको छ । यस बर्षका्े होली पर्बको अवसरमा नेपाली समाज टेक्सासले भलिवल प्रतियोगिता तथा ग्रेपभाईन पार्कमा होली कार्यक्रमको आयोजना गरेको थियो ।