घण्टेश्वर अनलाईन
टेक्सास, अमेरिका
नेपाल अमेरिका पत्रकार संघ(नेजा) ले आउँदो आईतबार (१५ मे, २०२२)टेक्ससको अर्भिङमा रक्तदान कार्यक्रम गर्ने भएको छ । सामाजिक उत्तरदायित्व अन्तरगत रक्तदान कार्यक्रम आयोजना गर्न लागिएको सँघका कार्य समिति सदस्य बाबुराम दाहालले जानकारी दिनु भयो । रक्तदान कार्यक्रमको लागि ब्लड डोनर्स अफ अमेरिका टेक्सस च्याप्टरले नेजालाई सहयोग गर्ने भएको छ ।
Curry Leaf Restaurant Bar & Banquet, 1800 Valley View Ln # 104 Irving Texas 75061 मा आयोजना हुन लागेको रक्तदान कार्यक्रमको सबै तयारी अन्तिम चरणका रहेको सदस्य दाहालले बताउनु भयो । टेक्ससमा सक्रिय संघ संस्थाहरु तथा सामाजिक अभियन्ताहरुले समेत रक्तदान कार्यक्रममा सहयोग गर्ने जनाएका छन । परोपकारी र मानवीय पुण्यको कार्यमा सहभागि भई रक्तदान गर्न नेजाले नेपाली समुदाय लगायत सबैमा सार्बजनिक आह्वान गरेको छ ।
ब्लड डोनर्स अफ अमेरिका टेक्सस च्याप्टरका अध्यक्ष अजय बगालेले बिगतमा रक्तदान गर्दै आउनु भएका रक्तदाताहरुलाई कार्यक्रमको वारेमा सूचना प्रवाह भईरहेको जानकारी दिनु भयो ।
पहिलो पटक रक्तदान गर्न चाहाने महानुभावहरुलाई पनि रक्तदान गरी पुण्यको कार्यमा सरिक हुन बगालेले आह्वान गरेका छन ।
