अमेरिकाको बाल्टिमोरमा बाना कप भलिवल प्रतियोगिता २०२२ आयोजना हुने

घण्टेश्वर अनलाईन
टेक्सास अमेरिका
अमेरिकाको मेरिल्याण्ड राज्यको बाल्टिमोरमा बाना कप भलिवल प्रतियोगिता २०२२ आयोजना हुने भएको छ । प्रतियोगिता बाल्टिमोर एशोसियसन अफ नेप्लिज ईन अमेरिका (बाना) को आयोजनामा यही जुलाई २३ र २४ गते हुन लागेको बानाले जनाएको छ । बानाका अनुसार अमेरिका भित्र बसोवास गर्ने नेपालीहरु बीचमा सद्भाव एबं खेलकुदको बिकास गर्ने उद्देश्यले बाना कप भलिवल प्रतियोगिता २०२२ आयोजना गरिएको हो ।
उक्त प्रतियोगितामा कुल २० नेपाली खेलाडी समूहले सहभागिताको लागि टीम दर्ता गरेका छन । प्रथम हुने समूहले ५ हजार ५ सय ५५ डलर, ट्रफी, मेडल र प्रमाण पत्र, दोश्रो हुनेले ३ हजार ३ सय ३३ डलर ट्रफी, मेडल र प्रमाण पत्र तथा उत्कृष्ट सट, अनुशासित खेलाडीहरुलाई ट्रफी, मेडल र प्रमाण पत्र प्रदान गरिने आयोजकले जनाएको छ ।
उक्त प्रतियोगितामा सुदूरपश्चिम नेपाली समाज टेक्सासले पनि सहभागिता जनाउने भएको छ । समाजका महासचिब गोबिन्द शाहीका अनुसार समाजको तर्फबाट नेपालका भूपु राष्ट्रिय भलिवल टीम कप्तान कैलाश भट्ट, सह कप्तान मनोज गौतमको नेतृत्वमा भलिवल खेलाडी टीम बालटिमोर पुगिसकेको छ । उक्त खेलाडी टीममा समाजको तर्फबाट जनक सामन्तले सँस्थागत प्रतिनिधित्व गरिरहनु भएको बताईएको छ । सुदूरपश्चिम नेपाली समाज टेक्सासले अमेरिकाका बिभिन्न स्थानमा आयोजना हुने भलिवल खेल प्रतियोगितामा सहभागि हुँदै आएको शाहीले बताउनु भयो ।