नेपाली समुदायका सवालका बारेमा टेक्ससका साँसद समक्ष माग पत्र पेश

घण्टेश्वर अनलाईन
टेक्सास, अमेरिका
अमेरिकाको टेक्सास स्थित नेपाली समुदायले आज टेक्सास राज्य १०५ का राज्य प्रतिनिधि सभा सदस्य टेरी मेजालाई भेटेर नेपालीहरुका सवालको वारेमा जानकारी गराएको छ ।
नेपाली समाज टेक्सासका अध्यक्ष राजेन्द्र वाग्लेको नेतृत्वमा गएको एक प्रतिनिधि मण्डलले राज्य प्रतिनिधि सभा सदस्य टेरी मेजालाई नेपालीहरुका सवालहरुका वारेमा ५ बुँदे ध्यानाकर्षण पत्र समेत बुझाएको छ ।
राज्य प्रतिनिधि सभा सदस्य मेजालाई बुझाएको माग पत्रमा नेपाली भाषामा चालक अनुमति पत्र (ड्राइभिङ्ग लाइसेन्स ) र सरकारी सूचनामा प्रयोग, नेपाली सांस्कृतिक दिवसको राज्य घोषणा (स्टेट डिक्लारेसन ), नेपाली समुदायको प्रमुद चाडपर्ब दशैं तिहारमा सार्वजनिक बिदा, बिद्यालयहरुमा नेपाली भाषालाई दोश्रो भाषामा प्रयोग र सामुदायिक केन्द्र स्थापना र सरकारी बजेटको व्यवस्था हुनुपर्ने लगायतका रहेका छन ।
नेपाली समाज टेक्ससले बुझाएको माग पत्र आजै दर्ता समेत गरिएको छ । माग पत्र बुझाउनु अघि नेपाली समाज टेक्सासका अध्यक्ष राजेन्द्र वाग्लेले नेपाली समुदायका मागको वारेमा पढेर सुनाएका थिए । साथै उक्त प्रतिनिधि मण्डलले सांसद मेजालाई बुद्धको प्रतिमा समेत कोशेलीको स्वरुप प्रदान गरिएको थियो ।
उक्त अवसरमा राज्य प्रतिनिधि सभा सदस्य टेरी मेजाले नेपाली समाजले पेश गरेको मागको वारेमा आफु सकारात्मक रहेको र चालु संसद अधिबेशनमा छलफल हुने बताउनु भयो ।
ड्यालसको आर्भिङ्ग निवासी टेरी मेजा नोभेम्बर ८ मा सम्पन्न निर्बाचनमा डेमोक्र्याटिक दलबाट निर्बाचित भएकी थिईन ।

Leave A Reply

Your email address will not be published.