घण्टेश्वर अनलाईन
काठमाण्डौं
११ औं नेफ्टा फिल्म अवार्ड २०७९ को लागि उत्कृष्ट पाँच चलचित्रहरु घोषणा गरिने भएको छ । सम्माननिय उपराष्ट्रपति रामसहायप्रसाद यादवको प्रमुख आतिथ्यतामा काठमाण्डौंको होटेल सोल्टीमा बैशाख ३१ गते आयोजना हुन लागेको बिशेष कार्यक्रमका बिचमा उत्कृष्ट चलचित्रहरु घोषणा हुन लागेको हो ।
बि.सं. २०७९ मा प्रदर्शनमा आएका चलचित्रहरु मध्य चलचित्र जुरीले गरेको मूल्याँकनका आधारमा उत्कृष्ट ५ चलचित्रहरु छनौट गरि घोषणा गर्न लागिएको चलचित्र प्राविधिक संघका अध्यक्ष पुष्कर लामाले जानकारी दिनु भयो । घोषणा कार्यक्रम आगामी बैशाख ३१ आइतबार दिउसो १ः३० बजे आयोजना हुनेसँघले जनाएको छ ।
उत्कृष्ट ५ चलचित्रहरु मध्यपनि छनौटमा पर्ने सर्बोत्कृष्ट चलचित्रको आगामी जूलाई महिनामा अमेरिकाको टेक्सासमा घोषणा गर्ने कार्यक्रम रहेको छ । नेपाली फिल्मको अन्तर्राष्ट्रिय बजार विस्तारसँगै चलचित्रकर्मीहरुलाई हौसला प्रदानगर्ने उद्देश्यले नेफ्टा अवार्ड गर्न लागिएको अवार्डका आयोजक युस खबर मिडिया नेटबर्कका संचालक तथा सम्पादक ओम आचार्यले बताए ।
यसअघि नेफ्टाका विदेशी संस्करणहरू यूएई, मलेसिया, हङकङ र कतारमा सम्पन्न भइसकेका छन् । अमेरिकी संस्करणका लागि यूएसखबर सहित फेम नेपाल एलएलसी, आर एण्ड एस फाउण्डेसन र आर्यन फिल्म्सले पनि सहकार्य गर्दैछन् ।