घण्टेश्वर अनलाईन
सिलगढी
दिपायल सिलगढी नगरपालिकाका उप प्रमुख कल्पना महर (साउँद) ले डोटी बहुमुखी क्याम्पसका छात्राहरूलाई सेनेटरी प्याड वितरण गर्नु भएको छ ।
महिनावारी भएको बेला छात्राहरुलाई नियमित पठनपाठन, सरसफाई तथा स्वच्छता ब्यवस्थापनमा सहयोग पुगोस भनेर सेनिटरी प्याड बितरण गरिएको उप प्रमुख साउँदले बताउनु भयो । उप प्रमुख साउँदले डोटी बहुमुखी क्याम्पसको छात्राबासमा पुगेर सेनिटरी प्याड बितरण गरेकी थिईन । सेनिटरी प्याड उपलब्ध भएपछि आफुहरुलाई निकै राहात भएको क्याम्पसका छात्राहरुले बताएका थिए । डोटी बहुमुखी क्याम्पसको छात्राबासमा ४८ जना किशोरी छात्राहरू बस्ने गर्दछन ।
