दिपायल सिलगढीमा मेयर पदको उम्मेदवार बन्न एमालेका आधा दर्जन आकाँक्षी

घण्टेश्वर अनलाईन
सिलगढी डोटी
डोटीको सन्दर्भमा सर्बाधिक चासोको रुपमा हेरिने दिपायल सिलगढी नगरपालिकाको प्रमुख पदमा उम्मेदवार बन्न नेकपा(एमाले) को तर्फबाट आधा दर्जन आँकाक्षी देखिएका छन ।
सो पार्टीको दिपायल सिलगढी नगर कमिटीमा सहमती जुट्न नसके पछि जिल्ला कमिटीको शुक्रबार सम्पन्न जिल्ला कमिटीको बैठकले आकाँक्षीहरुको नाम प्रदेश कमिटीमा पठाएको छ । प्रदेश कमिटीको बैठकले उम्मेदवारको नाम टुँगो लगाउने नेकपा(एमाले) डोटीले जनाएको छ । सो पार्टीका अनुसार सिफारिस गरिएका आकाँक्षीहरुमा पूर्णराज जोशी, सच्चिदानन्द जोशी, लक्ष्मणबहादुर मलासी, शसी सोव, मन्जु मलासी र प्रेमबहादुर नेपाली रहेका छन । सिफारिस गरिएका मध्ये पूर्णराज जोशी पूर्ब नगर प्रमुख तथा मन्जु मलासी बहालवाला नगर प्रमुख हुन । यसै गरि सच्चिदानन्द जोशी र लक्ष्मण मलासी कानूनी तथा सामाजिक पृष्ठभुमिका ब्यक्ति हुन । यसै गरि शसी सोव जिल्ला समन्वय समिति डोटीका बहालवाला उप प्रमुख हुन । यसै गरि प्रेम नेपाली दलित समुदायका अगुवा हुन ।
यसै गरि सो पार्टीले शिखर नगरपालिकामा जिल्ला समन्वय समितिका प्रमुख रामबहादुर ऐर र भिम बलायरलाई नगर प्रमुख पदको उम्मेदवारको लागि प्रदेश कमिटीमा सिफारिस गरेको छ । यसैगरि पूर्बिचौकी गाउँपालिकाको अध्यक्ष पदको लागि डम्बरसिंह डौडी, कृष्णकुमार खड्का र भरतबहादुर बोहराको नाम प्रदेश कमिटीमा सिफारिस गरिएको छ ।
जिल्ला कमिटीको बैठकबाट बोगटान फुड्सिल गाउँपालिकाको अध्यक्ष पदमा हस्तबहादुर बुढा, बडिकेदार गाउँपालिकाको अध्यक्ष पदमा चक्रबहादुर घर्तीको नाम उम्मेदवारको रुपमा सिफारिस गरिएको पार्टीले जनाएको छ ।
यसअघि जोरायल गाउँपालिकाको अध्यक्ष पदमा दुर्गादत्त ओझा र उपाध्यक्ष पदमा जमूना बोहरा, सायल गाउँपालिकाको अध्यक्ष पदमा तेजबहादुर डुमरेल र उपाध्यक्ष बिष्णादेबी सिंह, आदर्श गाउँपालिकाको अध्यक्ष पदमा डम्बर ओलीको नाम टुँगो लागिसकेको छ । प्रदेश कमिटीबाट अनुमोदन तथा उम्मेदवारको नाम टुँगो लागेपछि टिकट बितरण गरिने बताईएको छ ।

Leave A Reply

Your email address will not be published.