घण्टेश्वर अनलाईन
सिलगढी
डोटीको पुर्विचौकी गाउँपालिका वडा नंं ७ पोखरी ्बस्ने ५५ वर्षीय एक पुरुष सोमबार भिरमा मृत अवस्थामा फेला परेका छन । मृत अवस्थामा फेला परेका पुरुषको पहिचान भईसकेको र स्थानीय दिलबहादुर बडैला रहेको प्रहरीले जनाएको छ । वैशाख २ गतेदेखि हराएका उनको खोजी गर्ने क्रममा सोही ठाउँस्थित दाडीया भिर मुनि मृत अवस्थामा फेला परेका थिए ।
यसै गरि अछाम, पन्चदेवल बिनायक नगरपालिका–८ भात्खेत बस्ने गोपाल जैशीको छोरा ६ वर्षीय अभिषेक जैशीको कर्णाली नदीमा डुबेर सोमबार दिउँसो मृत्यु भएको छ ।
सोही ठाउँ बस्ने राम प्रसाद जैशीको छोरा ११ वर्षीय बिराज जैशी र अभिषेक उक्त नदीमा पौडी खेल्ने क्रममा डुबेर बेपत्ता भएको भन्ने खबर प्राप्त हुनासाथ अस्थाई प्रहरी पोष्ट बारलाबाट खटिएको प्रहरीले खोजी गर्ने क्रममा अभिषेक जैशीको शव फेला परेको हो । हाल बेपत्ता बिराजको खोजी भइरहेको प्रहरीले जनाएको छ ।
