घण्टेश्वर अनलाईन
अछाम
ढकारी गाउँपालिकाको गाडी दुर्घटना भएको छ । अछामबाट धनगढी जाँदै गर्दा ढकारी गाउँपालिकाको बा २ झ ३७६५ नम्बरको गाडी साँफेबगर नगरपालिका–४ स्थित सडकमा आज विहान५ बजे तिर दुर्घटनाग्रस्त भएको प्रहरीले जनाएको छ ।
प्रहरीका अनुसार उक्त दुर्घटनामा गाउँपालिकका गाडी चालक ढकारी निवासी ४३ वर्षीय लली नेपाली सामान्य घाइते भएका छन । उनको ध्रुवतारा अस्पताल साँफेबगरमा उपचार भइरहेको छ ।
उक्त गाडीमा सवार गाउँपालिका अध्यक्ष प्रकाश साउँद, उपाध्यक्ष नेत्रकलादेवी शाही, उनको १ वर्षीय छोरा ३४ वर्षीय वीरेन्द्र शाही, चौरपाटी गाउँपालिकाकी उपाध्यक्ष सरुदेवी खड्का र उनकी छोरी २० वर्षीया वर्षा खड्का रहेका कुनै चोटपटक नलागेको प्रहरीले जनाएको छ