घण्टेश्वर अनलाईन
सिलगढी
गत बैशाख ३० गते सम्पन्न स्थानीय तह निर्बाचनमा उम्मेदवारी दिएका डोटी जिल्लाका उम्मेदवारहरु मध्य करिब २५ प्रतिशतले मात्र निर्बाचन खर्च विवरण बुुझाएका छन ।
जिल्ला निर्बाचन कार्यालय डोटीका सूूचना अधिकारी दलबहादुर मलासीका अनुसार स्थानीय तह निर्बाचनमा डोटी जिल्लाका बिभिन्न स्थानीय तहबाट १ हजार ५० उम्मेदवारहरुले आफ्नो उम्मेदवारीको लागि मनोनयन पत्र दर्ता गराएका थिए । हाल सम्म करिब २ सय ५० जनाले मात्र निर्बाचन खर्च विवरण बुुझाएका छन ।
जिल्ला निर्बाचन कार्यालय डोटीको तथ्याँक अनुसार जिल्लाका ९ वटा स्थानीय तह मध्ये जोरायल र बडिकेदार गाउँपालिकाका कुनैपनि उम्मेदवारहरुले निर्बाचन खर्च विवरण बुुझाएका छैनन । अन्य स्थानीय तहका उम्मेदवारहरु मध्यपनि अधिकाँश उम्मेदवारहरुले निर्बाचन खर्च विवरण नबुुझाएको जिल्ला निर्बाचन कार्यालय डोटीले जनाएको छ ।
निर्बाचन आयोग ऐन २०७३ परिच्छेद — ५ को दफा २५ मा निर्बाचन सम्पन्न भएको ३० दिन भित्र निर्बाचनमा भएको खर्चको बिल र भरपाई सहित तोकिएको ढाँचामा आयोगले तोकेको कार्यालयमा निर्बाचन खर्च विवरण बुुझाउनुु पर्ने कानूनी ब्यवस्था रहेको छ ।
जिल्लाका बिभिन्न स्थानीय तह मार्फत सबै उम्मेदवारहरुलाई तोकिएको समयमा निर्बाचन खर्च विवरण बुुझाउन ध्यानाकर्षण गराएपनि हालसम्म अधिकाँश उम्मेदवारहरुले खर्च विवरण नबुुझाएको जिल्ला निर्बाचन कार्यालय डोटीले जनाएको छ । सबै उम्मेदवारहरुलाई स्थानीय तह मार्फत निर्बाचन खर्च विवरण बुुझाउन ताकेता गर्दा नबुुझाएपछि हालसम्म प्राप्त विवरण निर्बाचन आयोगमा पठाईने जिल्ला निर्बाचन अधिकारी करुणाकर पाण्डेयले बताउनुु भयो । यसै बिच निर्बाचन आयोगले असार ९ गते एक प्रेस बिज्ञप्ती मार्फत सबै जिल्ला निर्बाचन कार्यालयलाई उम्मेदवारहरुले खर्च बिबरण बुुझाए नबुुझाएको एकीन गरि आबश्यक कारवाहीको लागि आयोगमा सिफारिस सहित लेखि पठाउन निर्देशन जारी गरेको थियो ।
