घण्टेश्वर अनलाईन
डडेल्धुरा
डडेल्धुराको खलंगा खानेपानी उपभोक्ता तथा सरसफाई समिति निर्बाचन यही भदौ ११ गते सम्पन्न्न हुने भएको छ ।
समितिको अध्यक्ष पदको लागि चारजनाले प्रतिष्पर्धा गर्ने भएका छन । निर्बाचन समितिले सार्बजनिक गरेको उम्मेदवारहरुको अन्तिम नामावली अनुसार अध्यक्ष पदको लागि दीलबहादुर थापा, खड्कबहादुर थापा, यज्ञबहादुर थापा र जोगराज ऐर उम्मेदवारी दिएका छन ।
खलंगा खानेपानी उपभोक्ता तथा सरसफाई समितिका कार्यालय प्रमुख इन्द्र महराका अनुसार पदका लागि प्रतिष्पर्धा गर्नेहरुमा उपाध्यक्ष पदमा सुन्दर जैरु, जयन्ती बुढाऐर, सागर नगरकोटी र टेकराज ओझा, सचिवमा देवकी भट्ट बोहरा, लक्ष्मी थापा र पदमकुमारी उप्रेती ओझा रहेका छन । यसै गरि कोषाध्यक्ष पदमा भने इन्द्रबहादुर ऐर निर्विरोध निर्बाचित भएका छन
यस्तै दुई जना महिला सदस्य पदको लागि कमलादेवी शाहु, जुवी खड्का केसी, सुनिता रुचाल गैरे र पदमा भण्डारीको उम्मेदवारी परेको छ । उता पुरुष सदस्य पदमा भने गणेश बिष्ट, भीमबहादुर महर र सुदिप जैरु सदस्यमा निर्विरोध चयन भएका छन । खलंगा खानेपानी उपभोक्ता तथा सरसफाई समितिमा एक हजार ५६ जना उपभोक्ताहरु मतदाता रहेका छन ।
खलंगा खानेपानी उपभोक्ता तथा सरसफाई समितिले डडेल्धुराको अमरगढी नगरपालिका वडा नम्बर २, ४, ५ र ८ मा खानेपानी वितरण गर्दै आएको छ ।