घण्टेश्वर अनलाईन
दिपायल
आसन्न प्रतिनिधि सभा तथा प्रदेश सभा निर्बाचनको सन्दर्भमा नेपाली कांग्रेसले निबर्तमान आमन्त्रित केन्द्रीय सदस्य आनन्द बिष्टलाई डोटीको लागि केन्द्रीय प्रतिनिधिको रुपमा जिम्मेवारी दिएको छ ।
नेपाली जनसम्पर्क समिति,अमेरिकाका सभापति समेत रहेका बिष्टलाई पार्टी सभापति शेरबहादुर देउबाले बिहीवार विष्टलाई औपचारिक पत्रसहित जिम्मेवारी दिएर डोटीका लागि खटाएका हुन ।
पार्टी सभापति देउवाले डोटीमा समानुपातिक तर्फ र प्रदेश सभा निर्वाचन क्षेत्र नम्वर १ मा नेपाली काँग्रेसको पक्षमा अधिकतम मत खसाल्ने वातावरण वनाउन र पार्टीका जिल्ला स्थित नेता कार्यकर्ताहरुसँग सम्पर्क समन्वय गरि पार्टीको पक्षमा परिचालन हुने वातावरण मिलाउन पत्र मार्फत भनेका छन ।
