घण्टेश्वर अनलाईन
जोरायल
जोरायल गाउँपालिका वडा नं. ४ का एक युवक कैलालीको अत्तरियाबाट बेपत्ता भएका छन् । जोरायल गाउँपालिका – ४ तलालका २२ बर्षीय भुवन कपड्याल गोदावरी नगपालिका वडा नं. २ तेघरीबाट बेपत्ता भएको उनका भाई हिक्मत कपड्यालले बताएका छन ।
भाई हिक्मतका अनुसार ३ साता अघि देखि मानसिक रुपमा अस्वस्थ रहेका भूवनलाई उपचारको लागि धनगढी लैजाने क्रममा ६ दिन अघि जोरायलबाट अत्तरिया तेघरी ल्याईएको थियो । तेघरी स्थित आफन्तको घरबाट मानसिक रोग बिशेषज्ञकहाँ उपचारको लागि जाने तयारी गरिरहेका थियौं । उनी हामीहरुको आँखा छलेर भागेर नजिकै रहेको गोदावरी नदीतिर गएको र पछि खोजी गर्दा हालसम्म भेटाउन सकिएको छैन ।
‘दाइ भारतको चण्डिगडमा ३ महिना देखि क्रिकेटको प्रशिक्षण गर्दै आउनु भएको थियो । यसअघि धनगढी र काठमाण्डौंमा क्रिकेटको प्रसिक्षण लिइसकेका थिए । उनलाई अकस्मात मानसिक समस्या देखिउपछि माघ १ गते नेपाल ल्याएका आएका थियौ’ । दाई भुवन कपड्याल अचानक मानसिक समस्या आई बेपत्ता भएपछि परिवारहरु चिन्तित भएका छन । दाई भुवनलाई कसैले फेला पारेमा नजिकको प्रहरी कार्यालयमा वा मोवाईल नम्बर ९८६८५३३५७३ मा खबर गरिदिन भाई हिक्मतले सार्बजनिक अपिल गरेका छन ।
