घण्टेश्वर अनलाईन
बडिकेदार, डोटी
बडिकेदार गाउँ पालिका स्तरीय चौथो राष्ट्रपति रनिङ्ग शिल्ड प्रतियोगिता शुक्रबार देखि बडिकेदारको बर्छैनमा शुरु भएको छ ।
बर्छैन माबिको खेलमैदानमा शुरु भएको उक्त प्रतियोगिताको बडिकेदार गाउँ पालिकाका अध्यक्ष भैरवबहादुर साउँदले शुक्रबार एक कार्यक्रमका बीच उद्घाटन गर्नु भयो ।
बडिकेदार गाउँ पालिका र बर्छैन माबि बर्छैनको आयोजनामा भएको उक्त प्रतियोगिताको उद्घाटन गर्दै बडिकेदार गाउँ पालिकाका अध्यक्ष भैरवबहादुर साउँदले ग्रामीण क्षेत्रमा खेलकुद क्षेत्रमा लगानी गर्न सके दक्ष खेलाडीहरु उत्पादन गर्न सकिने बिचार व्यक्त गर्नुभयो ।
बिद्यालय तहदेखि खेलकुद क्षेत्रमा लगानी गर्नुपर्ने कुरामा जोड दिदै अध्यक्ष साउँदले खेलकुदको बिकासको लागि गाउँ पालिकाले सक्दो सहयोग र लगानी गर्ने प्रतिबद्धता ब्यक्त गर्नु भयो ।
बर्छैन माबि व्यवस्थापन समितिका अध्यक्ष खगेन्द्र बमको अध्यक्षतामा सम्पन्न उद्घाटन कार्यक्रममा बिशिष्ट अतिथी बडिकेदार गाउँ पालिकाका पूर्ब अध्यक्ष कृष्णबहादुर चन्दले खेलकुद क्षेत्रको बिकास गर्नसके बडिकेदारको छुट्टै पहिचान बनाउन सकिने धारणा ब्यक्त गर्नु भयो ।
उक्त कार्यक्रममा बडिकेदार गाउँ पालिका शिक्षा शाखा प्रमुख बिबेक देउवा, पूर्ब श्रोतब्यक्ति सिद्धराज जोशी, नेकपा(एमाले)का प्रकाश धामी, नेपाली काँग्रेसका करुणाकर जोशी, नेकपा(माओवादी केन्द्र) का बलबहादुर बुढा लगायतका बक्ताहरुले बडिकेदारमा खेलकुद क्षेत्रको बिकासको लागि भौतिक पूर्बाधार तयार गर्नु पर्ने र शिक्षा र खेलकुदमा लगानी बढाउनु पर्ने कुरामा जोड दिएका थिए ।
बडिकेदार गाउँ पालिकाका सबै माद्यमिक बिद्यालयको सहभागिता रहेको उक्त प्रतियोगिता फागुन ५ देखि ७ गते सम्म सन्चालन हुने बडिकेदार गाउँ पालिकाले जनाएको छ ।
उक्त प्रतियोगितामा छात्रछात्राका बिचमा भलिवल, कबड्डी, एथलेटिक्स, रिले दौड, हाईजम्प, लङ्गजम्प, त्रिपल जम्प, सटपुट, ज्वावलिङ्ग थ्रो र मार्सल आर्टस तर्फ बिभिन्न तौल समूहमा कराँते प्रतियोगिता सन्चालन हुने छ ।
