घण्टेश्वर अनलाईन
बुडर डोटी
जोरायलको बुडरमा सन्चालित १३ औं डोटी जिल्ला स्तरीय राष्ट्रपति रनिङ शिल्ड प्रतियोगिता दिपायल सिलगढी नगरपालिकाले जितेको छ ।
यही फागुन १३ देखि १५ गतेसम्म सन्चालित उक्त प्रतियोगितामा जोरायल गाउँपालिकाले दोश्रो स्थान र शिखर नगरपालिकाले तेश्रो स्थान प्राप्त गरेको जिल्ला खेलकुद बिकास समिति डोटीले जनाएको छ ।
डोटी जिल्लाका ९ वटा स्थानीय तहको सहभागिता रहेको उक्त प्रतियोगिता अन्तरगत भलिबल, कबड्डी, एथलेटिक्स र मार्सल आर्टस खेलमा प्रतिष्पर्धा गराईएको थियो ।
जिल्ला खेलकुद बिकास समिति डोटीको आयोजनामा भएको जिल्ला स्तरीय राष्ट्रपति रनिङ शिल्ड प्रतियोगितामा बिभिन्न पदक सहित बिजेता हुने स्थानीय तहलाई सुदूरपश्चिम प्रदेश खेलकुद परिषदका सदस्य सचिब दीपकबहादुर सिंहले शिल्ड तथा प्रमाण पत्र बितरण गर्नु भएको थियो ।
यस अघि हरेक स्थानीय तहमा आयोजना गरिएको राष्ट्रपति रनिङ शिल्ड प्रतियोगिताबाट छनौट गरिएका उत्कृष्ट खेलाडीहरुलाई जिल्ला स्तरीय राष्ट्रपति रनिङ शिल्ड प्रतियोगिामा सहभागि गराईएको थियो ।
प्रतियोगिता अन्तरगत जोरायल गाउँपालिकाले ८ स्वर्ण, ९ रजत र १० काश्य गरि २७ पदक सहित दोश्रो स्थान हासिल गरेको जोरायल गाउँपालिकाका खेलकुद प्रशिक्षक पवन शाहुले जानकारी दिनु भयो ।
