घण्टेश्वर अनलाईन
निरौली
यस बर्षको होली पर्बको अवसरमा जोरायल गाउँ पालिका वडा नं. ६ का बिभिन्न स्थानमा होली मिलन कार्यक्रमको आयोजना गरिएको छ ।
उक्त होली मिलन कार्यक्रम जोरायल गाउँ पालिका ६ नम्बर वडा कार्यालय र लाली गुराँस युवा क्लबको आयोजनामा भएको क्लबका अध्यक्ष शुशील बोहराले बताउनु भयो ।
परापूर्बकाल देखिको चाडपर्ब तथा सँस्कृतिलाई सँरक्षण गर्ने उद्देश्यले होली कार्यक्रम आयोजना गरिएको क्लबले जनाएको छ । फागुन २२ र २३ गते बगिडा, खसरे, गुनड, गावर लगायतका स्थानमा होली मिलन कार्यक्रम आयोजना गरिएको थियो ।
होली मिलन कार्यक्रमको अवसरमा शुभकामना आदान प्रदान, होली गीत सहित साँस्कृतिक कार्यक्रम पनि गरिएको थियो । सुदूरपश्चिमको सँस्कृति मध्य होली पर्ब पनि महत्वपूर्ण भएकाले होली सँस्कृतिको सँरक्षण र पुस्तान्तरण गर्ने उद्देश्यले वडा कार्यालयले पनि महत्व दिएको वडा अध्यक्ष गणेश बोहराले बताउनु भयो ।
जोरायल गाउँ पालिका वडा नं. ६ मा मनाईने होली पर्ब यस क्षेत्रको प्रसिद्ध होली सँस्कृति हो ।
