घण्टेश्वर अनलाईन
बोगटान, डोटी
चैतन्य समूह काठमाण्डौंका प्रमुख कार्यकारी अधिकृत गणेश जोशीले बोगटान फुड्सिल गाउँपालिका वडा नं. २ स्थित केदारअखडा माबिका २ सय ५० बिद्यार्थीहरुलाई झोला बितरण गरेका छन ।
केदारअखडा माबि आफुले कखरा सिकेको स्मरण गर्दै यस बिद्यालयमा अध्ययन गर्ने बिद्यार्थीहरुलाई पठनपाठनमा सहयोग होस भनेर आफुले झोला बितरण गरेको जोशीले बताउनु भयो । आफुले बिभिन्न समयमा बिद्यालयलाई सहयोग गर्दै जाने जोशीले प्रतिबद्धता व्यक्त गर्नु भयो ।
बिद्यालयमा आयोजना गरिएको झोला बितरण कार्यक्रममा बोल्दै प्रमुख अतिथि बोगटान फुड्सिल गाउँपालिकाका अध्यक्ष कमल गड्सिलाले समाजसेवी जोशीले बितरण गरेको झोलाले वालवालिकाहरुको पठनपाठनमा सहयोग पुग्ने बताउनु भयो ।
यस्तै नेपाली कांग्रेसका नेता डिलबहादुर बमले बिगत लामो समय देखि जोशीले समाज सेवामा पुर्याएको योगदानको प्रशँसा गर्नु भयो । भौतिक रुपमा जो जहाँ भएपनि आफु जन्मेको मातृभूमिलाई बिर्सन नहुने बमको भनाई थियो ।
उक्त कार्यक्रममा बोगटान फुड्सिल गाउँ पालिका वडा नम्बर २ का वडा अध्यक्ष भरत बम, विद्यालयका प्राचार्य गुमानसिंह बोहरा, विद्यालयका पूर्वप्राचार्य सितराम बमलगायतका बक्ताहरुले आ आफ्नो धारणा राखेका थिए ।
