घण्टेश्वर अनलाईन
सिलगढी
यस बर्षको गंगा दशहरा मेलाको अवसर पारी पर्यटकीय स्थल खप्तडमा आयोजना गरिएको खुलला भलिबल प्रतियोगितामा अछामको साँफेबगर नगरपालिका टीम बिजेता बनेको छ ।
खप्तड मध्यवर्ती क्षेत्रका डोटी, अछाम, बझाङ्ग र बाजुरा जिल्लाका १६ वटा भलिवल टीमको सहभागिता रहेको उक्त प्रतियोगितामा खप्तड राष्ट्रिय निकुन्जको खेलाडी टीम दोश्रो र खप्तड मध्यवर्ती व्यवस्थापन समितिको खेलाडी टीम तेश्रो भएको आयोजकले जनाएका छन ।
खेलकुदको माध्यमबाट खप्तडको पर्यटन प्रबद्र्धन गर्ने उद्देश्यले नेपाली सेनाको व्यवस्थापनमा सुदुर पश्चिम खेलकुद परिषद र डोटी उद्योग बाणिज्य संघले आयोजना गरेका थिए ।
उक्त प्रतियोगितामा प्रथमहुने खेलाडी टीमलाई ५० हजार, दोश्रो हुने खेलाडी टीमलाई ३० हजार र तेश्रो हुने खेलाडी टीमलाई २० हजार नगद, मेडल र प्रमाण पत्र प्रदान गरिने बताईएको छ ।
