घण्टेश्वर अनलाईन
सिलगढी
डोटीको सायल गाउँ पालिका अन्तरगत निर्माणाधिन झिग्राना बेटरा सडकमा बुधबार एक स्काईभेटर दुर्घटनाग्रस्त भएको छ ।
सायल गाउँपालिका वडा नम्बर ३ स्थित झिग्राना बेटरा सडक खनिरहेको अवस्थामा बा ३ क ४०४५ नम्बरको एक्स्काभेटर बुधबार दिउँसो दुर्घटना हुँदा चालक घाइते भएको जिल्ला प्रहरी कार्यालय डोटीले जनाएको छ ।
सडक निर्माण गरिरहेको अवस्थामा एक्कासी माथीबाट ढुङ्गा खसेर स्काईभेटर सडकबाट अन्दाजी एक सय मिटर तल खसेको जिल्ला प्रहरी कार्यालय डोटीका प्रहरी नायब उपरिक्षक युवराज भण्डारीले जानकारी दिनु भयो ।
उक्त दुर्घटनामा परि घाईते भएका कैलालीको गौरीगङ्गा–५ का २४ वर्षिय विकास सिजापतिको जिल्ला अस्पताल डोटीमा उपचार भइरहेको जिल्ला प्रहरी कार्यालय डोटीले जनाएको छ । घाईते चालकको अवस्था सामान्य रहेको छ । घट्नाको अनुसन्धान भईरहेको भण्डारीले प्रहरीले जनाएको छ ।
