बझाङ्ग जिप दुर्घटनाको छानविन गर्न प्रदेश सरकारद्वारा समिति गठन

llc

घण्टेश्वर अनलाईन
धनगढी
सुदूरपश्चिम प्रदेश सरकारले गत मँगलबार बझाङ्गको केदारस्यूँ गाउँपालिका–१ झारछडामा भएको जिप दुर्घटनाको छानविन गर्न एक समिति गठन गरेको छ ।
आन्तरिक मामिला तथा कानुन मन्त्री पृथ्वीबहादुर सिंह सवार गाडी दुर्घटना भएको घटनाको छानविन गर्न मुख्यमन्त्री तथा मन्त्रिपरिषद् कार्यालयका सचिव गंगाबहादुर खरेलको नेतृत्वमा ७ सदस्यीय समिति गठन गरिएको हो ।
प्रदेश सरकारको बिहीबार बसेको मन्त्रिपरिषद् बैठकले समितिको सदस्यमा प्रदेश प्रहरी कार्यालयका वरिष्ठ उपरीक्षक(एसएसपी), सशस्त्र प्रहरी बल नेपाल नं. ७ बैद्यनाथ बाहिनीका सशस्त्र प्रहरी वरिष्ठ उपरीक्षक, मुख्यमन्त्री तथा मन्त्रिपरिषद्को कार्यालयका उपसचिव नवराज ओझा, मुख्य न्यायाधिवक्ताको कार्यालयका उपन्यायाधिवक्ता टेकबहादुर थापा, यातायात व्यवस्था कार्यालय धनगढीका मेकानिकल इन्जिनियर र कानुन मन्त्रालयका शाखा अधिकृत विष्णुदत्त अवस्थीलाई सदस्य तोकेको छ ।
समितिलाई दुर्घटनाको छानविन गरेर १५ दिनभित्र्र प्रतिवेदन पेश गर्न समायबधी तोकएको छ ।
उक्त दुर्घटनामा मन्त्री सिंह, उनकी धर्मपत्नी अमृतादेवी सिंह र भाउजू जयादेवी सिंहको मृत्यु भएको थियो । दुर्घटनामा मन्त्री सिंहका निजी सुरक्षा गार्ड दिपक भण्डारी र चालक धर्मराज जोशी घाइते भएका छन् । उनीहरूको कोहलपुर मेडिकल कलेजमा उपचार भइरहेको छ ।

 

Leave A Reply

Your email address will not be published.