घण्टेश्वर अनलाईन
सिमचौर, बोगटान
डोटीको बोगटान क्षेत्रमा पर्ने लफडा गाउँ पूर्ण सरसफाईयुक्त घोषणा गरिएको छ । वोगटान फुड्सिल गाउँपालिका वडा नं. १ सिमचौर अन्तरगत गर्ने लफडागाउँलाई सोमबार एक कार्यक्रमका बीच पूर्ण सरसफाईयुक्त घोषणा गरिएको हो ।
लफडा गाउँमा रहेका ४८ घरधुरीले पूर्ण सरसफाई घोषणाको लागि तोकिएको मापदण्ड (सूचक) पूरा गरेकाले पूर्ण सरसफाईयुक्त गाउँको रुपमा घोषणा गरिएको वडा नंं १ का वडा अध्यक्ष खेम घर्तीमगरले जानकारी दिनु भयो ।
लफडा गाउँलाई पूर्ण सरसफाईयुक्त घोषणा गर्दै बोगटान गाउँ पालिकाका अध्यक्ष कमलबहादुर गड्सिलाले सरसफाई व्यक्ति तथा समुदायको पहिचान भएकाले यो अभियानलाई सबै वडामा बिस्तार गरिने बताउनु भयो ।
पूर्ण सरसफाईयुक्त घोषणा पछि समुदायको दायित्व बढेको बताउदै अध्यक्ष गड्सिलाले यसलाई दिगो राख्न आग्रह गर्नु भयो । घोषणा कार्यक्रममा टोलका ४८ घरपरिवारलाई फिल्टर, हर्पिक, बाल्टिन, मग साबुन लगायतका सरसफाईका सामग्रीहरु पनि वितरण गरिएको थियो ।
बोगटान फुड्सिल गाउँपालिका वास इकाईको आयोजनामा भएको घोषणा कार्यक्रममा स्थानीयहरुले लफडा गाउँलाई पूर्ण सरसफाई राख्ने प्रतिबद्धता पत्रमा हस्ताक्षर गरेका थिए ।