घण्टेश्वर अनलाईन
सिलगढी
डोटी गैरागाउँका समाजसेवी भक्तराज जोशीले आफ्नो जन्म दिनको अवसरमा सायल गाउँ पालिकाका ५० जना विपन्न परिवारलाई खाद्यान्न सहयोग गरेका छन । सायल गाउँ पालिका वडा नं. ६ का स्थानीय विपन्न परिवारलाई प्रति परिवार १ बोरा चामल, ३ किलो दाल र १ लिटर तेल बितरण गरेका जोशीले बताए ।
मानवीय सेवामा अनेकौँ प्रयास संस्थाका अध्यक्ष समेत रहेका जोशीले जन्म दिनकै अवसर पारी मँगलबार दिपायल स्थित सरस्वती आधारभूत बिद्यालयलाई खेलकुद सामग्री हस्तान्तरण गर्नुका साथै फर्निचर खरिदको लागि ५५ हजार ५ सय ५५ नगद हस्तान्तरण गरेका थिए ।
जन्म दिनको अवसरमा आयोजना गरिएको छुट्टै कार्यक्रममा समाजसेवी जोशीले जन्मदिन मनाउन बिभिन्न होटलमा गरिने अनाबश्यक खर्च भन्दा मानविय सेवामा गरिने खर्च राम्रो हुने धारणा व्यक्त गर्नु भयो ।