घण्टेश्वर अनलाईन
काठमाण्डौं
चर्चित गायिका शोभा थापा “व्यक्तित्व तथा प्रतिभा सम्मान २०८०” बाट सम्मानित भएकी छन । रिबन ईन्टरनेटमेन्टले शनिबार राष्ट्रिय नाचघर जमलमा आयोजना गरिएको ‘राष्ट्रिय ब्याक्तित्व तथा प्रतिभा सम्मान–२०८० कार्यक्रममा कलाकार थापालाई सम्मान गरिएको हो ।
उक्त कार्यक्रममा पूर्ब उपराष्ट्रपति परमानन्द झाले कलाकार तथा चर्चित गायिका शोभा थापालाई सम्मान गर्नु भएको थियो । उक्त अवसरमा कलाकार थापा सहित गायक नवराज ढुङ्गाना, निर्देशक बबिता पुरी, राजेन्द्र पुरी, गायिका जुनु रिजाल, रामचन्द्र काफ्ले, दिपा रोकाय, मोडेल सिम्रन दुलाल लगायतका कलाकार तथा श्रष्टालाई सम्मान पत्र हस्तान्तरण हस्तान्तरण गरिएको थियो ।
रिबन ईन्टरनेटमेन्टले ‘हाम्रो अभियान, देशको गौरवलाई सम्मान’ भन्ने नाराका साथ बिभिन्न समयमा बिभिन्न प्रतिभाहरुलाई सम्मान गर्दै आएको छ ।