घण्टेश्वर अनलाईन
दिपायल
नेपाल प्रेस युनियन डोटीले यस बर्षको बडा दशैं, दिपायवली तथा छठ पर्बको अवसरपारी आज वर्षा होटल दिपायलको सभाकक्षमा शुभकामना आदान प्रदान कार्यक्रमको आयोजना गरेको छ ।
नेपाल प्रेस युनियन डोटीका अध्यक्ष चक्रबहादुर कुँवरको अध्यक्षता तथा सचिब बिक्रमबहादुर खड्काको सन्चालनमा सम्पन्न शुभकामना आदान प्रदान कार्यक्रममा नेपाली काँग्रेस डोटीका पार्टी सभापति नरेन्द्रबहादुर सिंह पूर्ब पार्टी सभापतिहरु यज्ञराज पाठक र भक्तबहादुर बलायरले बोल्नु भएको थियो ।
शुभकामना आदान प्रदान कार्यक्रममा डोटीको पत्रकारिताको अवस्था र स्थानीय तहको भूमिकाका बारेमा पनि खुल्ला छलफल गरिएको थियो । साथै हालै मात्र निर्बाचित नेपाली काँग्रेस महासमिति सदस्यहरु, नेपाली साँस्कृतिक महासँघ डोटीका पदाधिकारीहरु, डोटी उद्योग वाणिज्य सँघका पदाधिकारीहरु, नेपाल बिद्यार्थी सँघका केन्द्रीय सदस्य लगायतलाई नेपाल प्रेस युनियन डोटी शाखाको तर्फबाट खादा ओढाएर सम्मान गरिएको थियो ।
उक्त कार्यक्रममा नेपाली काँग्रेस डोटीका नेता कार्यकर्ताहरु, उद्योगी व्यापारीहरु, पत्रकारहरुको सहभागिता रहेको थियो ।
