कबिराम डाँगी
जोरायल, डोटी
डोटी
डोटीको जोरायलमा सम्पन्न पाँचौं राष्ट्रपति रनिङ शिल्ड प्रतियोगितामा रामपुर माबि बुडरले प्रथम स्थान हासिल गरेको छ ।
पुस महिनाको २० देखि २३ सम्म सन्चालित जोरायल गाउँपालिका स्तरीय उक्त पाँचौं राष्ट्रपति रनिङ शिल्ड प्रतियोगितामा रामपुर माबि बुडरले १० स्वर्ण, ५ रजत, ५ काश्य गरि २० पदक प्राप्त गरि प्रथम स्थान हासिल गरेको हो ।
यसै गरि उक्त प्रतियोगितामा घण्टेश्वर माबि जोरायलले दोश्रो स्थान हासिल गरेको छ । घण्टेश्वर माबि जोरायलले ७ स्वर्ण, ११ रजत र ८ काश्य गरि कुल २६ पदक हासिल गरेको थियो ।
उक्त प्रतियोगिता अन्तरगत महासरस्वती माबि देउथला जोरायलले ३ स्वर्ण, १ रजत, २ काश्य गरि ६ पदक सहित तेश्रो स्थान प्राप्त गरेको जोरायल गाउँ पालिकाले जनाएको छ ।
प्रतियोगितामा नवोदय माबि गडसेरा ५, गौरी शँकर माबि गैरा ८, रघुनाथ माबि निरौली ७, दुर्गा माबि लमौत्य ७, शिबपुर माबि चनकट्टे ५, कृष्ण माबि दह ३ र केदार माबि खसरे ले ३ पदक प्राप्त गरेको जनाईएको छ ।
