घण्टेश्वर अनलाईन
बिपि नगर डोटी
सेञ्चुरी कमर्सियल बैंक बडिकेदार शाखा डोटीले बिपि नगर स्थित केदार ज्योतीपुञ्ज बहुमुखी क्याम्पस डोटीलाई खानेपानी सँकलनको लागि १ हजार क्षमताको स्टिल ट्याँकी उपलब्ध गराएको छ ।
संस्थागत सामाजिक उत्तरदायित्व कार्यक्रम अन्तर्गत केदार ज्योतिपुञ्ज बहुमुखी क्याम्पस बि.पि.नगर डोटीलाई उक्त ट्याँकी उपलब्ध गराईएको बैंकले जनाएको छ । उक्त ट्याँकी बैंकका शाखा प्रबन्धक राजेन्द्र साउँदले आज क्याम्पसलाई हस्तान्तरण गर्नु भयो । क्याम्पसलाई शुद्ध पिउने पानी सँकलनको लागि ट्याँकी सहयोग गर्न पाउदा खुशी लागेको शाखा प्रबन्धक साउँदल ेबताउनु भयो ।
उक्त कार्यक्रममा बैंकका शाखा प्रबन्धक राजेन्द्र साउद लगायत कर्मचारीज्युहरुलाई क्याम्पस सञ्चालक समितिका सदस्य नर बहादुर बोहराले दोसल्ला सहित सम्मान गर्नु भयो । बैंकद्धारा क्याम्पसलाई शुद्ध पिउने पानी सँकलनको लागि ट्याँकी उपलब्ध भएपछि खानेपानी आपूर्तिमा सहज भएको क्याम्पसका प्रशासक यमप्रकाश भट्टलेबताउनु भयो ।