चालकलाई कारबाही र क्षतिपूर्तिको माग गर्दै डोटीको गैरामा राजमार्ग अवरुद्ध

कबिराम डाँगी
गैरा, डोटी
सवारी दुर्घटना गराउने चालकलाई कारवाही तथा मृतकका परिवारलाई क्षतिपूर्तिको माग गर्दै मृतकका आफन्त तथा स्थानीयले डोटीको गैरामा भिमदत्त राजमार्ग अवरुद्ध गरेका छन् । बसको ठक्करबाट सोमबार विहान कैलालीको बुढीतोलामा डडेल्धुरा आलिताल गाउँ पालिका वडा नं. १ थकलाडीका पूर्णबहादुर ऐरको निधन भएपछि चालकलाई कारबाही र क्षतिपूर्तिको माग गर्दै स्थानीयले डोटीको गैरामा राजमार्ग अवरुद्ध गरेका हुन ।
धनगढीबाट सु प्र प ०१ –०१–११–९४७६ नम्बरको मोटरसाईकलबाट घर तर्फ गइरहेका ऐरलाई बैतडीको मेलौलीबाट महेन्द्रनगर तर्फ गईरहेको पवनदूत यातायताको सु प्र ०२–००१ ख १२८७ नम्बरको बसले सोमबार कैलालीको बुढीतोलाको बाख्रा फर्म नजिक सोमबार बिहान १० बजे तिर ठक्कर दिएको थियो । बसको ठक्करबाट घाईते ऐरलाई उपचारको लागि बुढीतोलाका स्थानीय बासिन्दाहरुले तत्काल कैलालीको सेती प्रादेशीक अस्पताल धनगढी लैजाने क्रममा उनको निधन भएको थियो । बस चालक फरार रहेको र ठक्कर दिने बसलाई ईलाका प्रहरी कार्यालय मालाखेतीले नियन्त्रणमा राखेको छ ।
घट्ना पश्चात बसका चालक फरार रहेको र बसधनी समेत सम्पर्कमा नआएकाले मृतकको परिवारलाई उचित क्षतिपूर्ति र दोषी चालकलाई कारबाहीको लागि आन्दोलनमा आउनु परेको पीडित पक्षको भनाई रहेको छ । राजमार्ग अबरुद्ध भएपछि सयौं यात्रुहरु बाटोमा अलपत्र परेका छन । आज आन्दोलनको पहिलो चरण हो । पीडितको माग सुनुवाई नभएसम्म अनिश्चितकालिन राजमार्ग अबरुद्ध पीडित पक्षले बताएका छन ।
बसको ठक्करबाट निधन भएका ५२ बर्षिय पूर्णबहादुर ऐर डडेल्धुरा आलिताल गाउँ पालिका वडा नं. १ का पूर्ब वडा अध्यक्ष पनि हुन ।

Leave A Reply

Your email address will not be published.