घण्टेश्वर अनलाईन
बझाङ
बझाङ जिल्लाको जयपृथ्वी नगरपालिका वडा नं. १० का वडा अध्यक्ष दलबहादुर विष्टले आफ्नो पाँचवर्षे कार्यकालको तलव भत्ता बापतको रकम स्थानीय एक बिद्यालयमा छात्रबृत्ति कोष स्थापना गरेका छन । उनले पाँच वर्षमा पाएको तलव भत्ता बापतको १५ लाख रकम स्थानीय सत्यवादी माध्यमिक विद्यालयमा ‘कृष्ण पुष्पा फाउन्डेसन’ को नाममा छात्रवृत्ति अक्षयकोष स्थापना गरि बिद्यालयलाई चेक हस्तान्तरण गरेका हुन ।
नेपाली कांग्रेसबाट निर्वाचित वडा अध्यक्ष विष्ट निर्माण व्यवसायी समेत हुन् । आफु पैसा कमाउन नभएर समाजसेवा गर्न राजनीतिमा लागेको हुँदा आफुले उक्त रकम बिद्यालयलाई हस्तान्तरण गर्ने निर्णय गरेको बताउनु भयो । उक्त छात्रबृत्ति कोष रकमको ब्याजबाट हरेक बर्ष बिद्यालयमा अध्ययनरत असहाय गरीव, जेहेन्दार बिद्यार्थीहरुलाई छात्रबृत्ति बितरण गरिने बिद्यालयले जनाएको छ ।
