घण्टेश्वर अनलाईन
सिलगढी, डोटी
जिल्ला प्रशासन कार्यालय डोटीले चैत्र मसान्त भित्रमा हतियार बुझाउन सार्बजनिक सूचना जारी गरेको छ ।
आगामी बैशाख ३० गते हुने स्थानीय तहको निर्बाचनलाई शान्तिपूर्ण, धाँधली तथा भयरहित रुपमा सम्पन्न गर्नका लागि जिल्ला प्रशासन कार्यालय डोटीले उक्त सूचना जारी गरेको हो ।
जिल्ला प्रशासन कार्यालय डोटीद्वारा जारी सूचनामा सबै ईजाजत प्राप्त ब्यक्तिहरुले नजिकको प्रहरी कार्यालयमा गएर आफुसँग रहेको हातहतियार बुझाउन भनिएको छ । स्थानीय प्रहरी प्रशासनमा बुझाईएका हातहतियारहरु सुरक्षित साथ राखिनेर स्थानीय तहको पनर्बाचन सम्पन्न भएपछि सम्बन्धित ब्यक्तिलाई फिर्ता गरिने समेत सूचनामा जनाईएको छ । आफुसँग रहेको हातहतियार नजिकको प्रहरीमा नबुझाएका प्रचलित कानून अनुसार कारवाही गरिने प्रमुख जिल्ला अधिकारी शँकरबहादुर बिष्टद्वारा जारी सूचनामा उल्लेख छ ।
