घण्टेश्वर अनलाईन
जोरायल, डोटी
जोरायल गाउँ पालिकाको आयोजनामा चौथो अध्यक्ष कप जिल्ला स्तरीय भलिवल प्रतियोगिता आयोजना हुने भएको छ । हरेक बर्ष आयोजना हुने उक्त प्रतियोगिता यहि चैत्र महिनाको २३ गते देखि २६ गतेसम्म जोरायल गाउँ पालिका वडा नंं ३ रावतकट्टेमा सन्चालन हुने जोरायल गाउँ पालिकाले जनाएको छ ।
जोरायल गाउँ पालिकाद्धारा प्रकाशित सूचना अनुसार प्रतियोगितामा प्रथम स्थान हासिल गर्नेलाई १ लाख ११ हजार ५ सय नगद र ट्रफि, मेडल र प्रमाण पत्र, द्वितीय स्थान हासिल गर्नेलाई ५५ हजार ५ सय नगद र ट्रफि, मेडल र प्रमाण पत्र, तेश्रो स्थान हासिल गर्नेलाई २५ हजार ५ सय नगद र ट्रफि, मेडल र प्रमाण पत्र र सान्त्वाना स्थान हासिल गर्नेलाई १५ हजार ५ सय नगद, ट्रफि, मेडल र प्रमाण पत्र प्रदान गरिने छ ।
उक्त प्रतियोगितामा सहभागिताको लागि जोरायल गाउँपालिकाले सबै स्थानीय तहलाई अनुरोध गरेको छ ।